Danguga an Sakuyang Mga Hibi

Siisay lamang saindo,

An muyang mag dangog

Kan sakung mga suriyaw,

Asin mga hibi

Hibi na itinago ko,

Nin halawig na panahon

Dai nagturo sa mata

Nakatago sakung puso.

Wara nin kusog ki boot,

Na ipahiling sa iba

Pero Kundyawat pa

Isuriyaw ko na.

Makulog na sa makulog,

Pero sakuyang tinios.

Ining mga problema

Na dara kang pamilya

Dipisil Itago

Maski pa Maogma

Sa likod kan mga Ulok

Nakatago an Kulog.

Apod ninda sakuya,

aking maogma.

Pero ito man nangad ako,

Pag sinda an kaiba.

Nata ko man ipapahiling

Na ako nakulugan.

Ako natatakot

Na ako pag-ulukan.

Sarong Banggi

Ako Namasyar

Sa lugar na Matawo

Harani sa Centro

Maski ngani solo

Kinusugan ko an boot

Ta habo ko isipon

An kulog na piot

Imbes na maogma

Sa kulay kan centro

Mas lalong namundo

Kan mga oras na idto.

Saiyang nahiling maogmang pamilya

Nagkasararo asin magkairiba

Saiyang narumduman,

Saiyang ama.

Na kun yaon kuta.

Bilog man sinda.